|
AMEA İnformasiya Texnololgiaları İnstitutunda 10 ildən artıqdır ki, proqram mühəndisliyi problemləri üzrə tədqiqatlar aparılır. Bu müddət ərzində proqram mühəndisliyinin məqsəd və vəzifələri, beynəlxalq təcrübə, elmi-nəzəri və praktiki problemlər təhlil edilmişdir. Dünyanın aparıcı ölkələrində proqram mühəndisliyi üzrə həyata keçirilmiş tədbirlər, layihələr təhlil edilmişdir. Proqramlaşdırmanın elmi-nəzəri əsasları, proqram təminatının məhsuldarlığının artırılması, proqram təminatını işləyən komandanın işinin səmərəliliyinin qiymətləndirilmə metrikası, proqram kodunun mürəkkəbliyinin müəyyən edilməsi, Soft compüting texnologiyaları əsasında proqram təminatının səmərəliliyinin və etibarlılığının artırılması və s. üzrə metodlar və alqoritmlər işlənilmişdir. İndiyə qədər institutda həmin mövzular üzrə 4 kitab və 100-dən artıq elmi əsər dərc olunmuş, onlardan bir çoxu nüfuzlu beynəlxalq nəşrlərdə çap edilmişdir. Ekspres-informasiyaya institutun əməkdaşları tərəfindən proqram mühəndisliyi problemləri üzrə dərc edilmiş elmi əsərlərin xülasələri daxil edilmişdir.
|
Help
Basket
RSS
